Unha xornada gastronómica onde o Porco Celta pasa do noso campo á mesa.
Máis de 600 persoas nas dúas primeiras edicións.
Produto propio. Raza autóctona. Organización profesional.
A Festa do Cocido de Carballedo nace do traballo da nosa cooperativa. É a expresión máis clara do que facemos todo o ano: desde a crianza do Porco Celta ata a mesa compartida.
Organizamos este evento coa mesma filosofía coa que traballamos no día a día: produto propio, raza autóctona e horta ecolóxica certificada. Sen intermediarios, sen artificios.
Aquí non falamos só de gastronomía.
Falamos de:
Se mercas a túa entrada poderás desfrutar dunha xornada festiva completa na que o gran protagonista é o cocido de Porco Celta, elaborado co noso propio produto e servido nun ambiente popular e familiar.
Coa túa entrada poderás disfrutar de todo isto:
edición 2026
A III Festa do Cocido de Porco Celta celebrarase o 11 de abril de 2026 no Pavillón da Barrela, en Carballedo (Lugo), nunha xornada que volverá reunir gastronomía, tradición e ambiente festivo na Ribeira Sacra.
O evento contará co noso cocido de Porco Celta como gran protagonista, elaborado con produto propio e acompañado por ingredientes da nosa horta ecolóxica certificada. O menú incluirá picoteo ao centro da mesa (chourizo, salchichón, xamón e empanadas tradicionais), sopa, cocido completo con repolo ecolóxico, viño D.O. Ribeira Sacra e sobremesas como requeixo artesán con mel IXP Mel de Galicia e tarta de améndoa.
A xornada formarase dentro da III Mostra de Artesanía da Ribeira Sacra, e tamén contará coa tradicional Festa do Cabalo e animación musical popular, creando un ambiente pensado para pasar o día enteiro en Carballedo.
Un evento que medra cada ano e que volve poñer en valor o noso modelo: do campo á praza, da crianza á mesa.
